جنگ نیوز ڈیسک
جیسلمیر کے سرحدی علاقے رام گڑھ میں بھارتی فضائیہ کا ہی رون سرچر ڈرون معمول کی ٹریننگ کے دوران تکنیکی خرابی کا شکار ہوا اور ایک کسان کے کھیت میں ہنگامی لینڈنگ کرنی پڑی۔
جیسلمیر میں ہندوستان-پاکستان سرحد کے قریب جمعرات کو ایئر فورس کا ایک ریموٹلی پائلٹیڈ ایئرکرافٹ (آر پی اے)انجن میں خرابی آنے کے بعد رام گڑھ کے نہری کے علاقے میں ایک کھیت میں گر گیا۔
کوئی جانی یا مالی نقصان نہیں ہوا۔ واقعے کے بعد فضائیہ، پولیس، بی ایس ایف اور دیگر سکیورٹی ایجنسیاں فوراً موقع پر پہنچیں اور پڑتال شروع کر دی۔ فضائیہ نے ڈرون میں تکنیکی خرابی کی تصدیق کی اور معاملے کی باضابطہ تحقیق کے احکامات جاری کیے۔
