جنگ نیوز
جموں/جموں و کشمیر کے ضلع کٹھوعہ میں ایک کیمپ کے اندر ساتھی اہلکار کی فائرنگ سے سینٹرل انڈسٹریل سیکیورٹی فورس (CISF) کے چار اہلکار ہلاک ہوگئے۔
اطلاعات کے مطابق یہ واقعہ سیو-2 پن بجلی منصوبے کے قریب قائم کیمپ میں پیش آیا، جہاں ایک اہلکار نے مبینہ طور پر اپنے ساتھیوں پر فائرنگ کردی۔ واقعے میں اسسٹنٹ کمانڈنٹ سمیت چار اہلکار شدید زخمی ہوئے، جو بعد ازاں زخموں کی تاب نہ لاتے ہوئے دم توڑ گئے۔
ہلاک ہونے والوں میں اسسٹنٹ کمانڈنٹ انکت کمار پانڈے، سب انسپکٹر لکشمن سنگھ، کانسٹیبل محمد رفیق اور کانسٹیبل سنجیو کمار شامل ہیں۔
واقعے کو فورس کے اہلکاروں کے درمیان فائرنگ کا معاملہ قرار دیتے ہوئے تحقیقات شروع کردی گئی ہیں۔
