جنگ نیوز ڈیسک
سرینگر/ جموں و کشمیر پولیس نے سِوک ایکشن پروگرام کے تحت شوپیاں میں نوجوانوں کے درمیان جسمانی فٹنس، کھیلوں کے جذبے اور منشیات سے پاک طرزِ زندگی کو فروغ دینے کے لیے بٹہ پورہ اسٹیڈیم سے ارحامہ منڈی تک روڈ ریس کا انعقاد کیا۔
ایس ایس پی شوپیاں مشتاق احمد چودھری JKPS نے سینئر پولیس افسران کی موجودگی میں ریس کو ہری جھنڈی دکھا کر روانہ کیا۔ مقامی نوجوانوں اور کھیلوں سے وابستہ افراد نے جوش و خروش کے ساتھ شرکت کی۔
ریس میں نمایاں پوزیشن حاصل کرنے والے شرکاء کو نقد انعامات اور یادگاری مومنٹو سے نوازا گیا۔ ایس ایس پی شوپیاں نے نوجوانوں کو کھیلوں اور دیگر تعمیری سرگرمیوں سے جوڑنے اور انہیں منشیات کی لعنت سے دور رکھنے کی ضرورت پر زور دیا۔
پولیس نے نوجوانوں کی فلاح و بہبود اور انہیں مثبت سرگرمیوں میں شامل کرنے کے لیے آئندہ بھی کھیلوں اور کمیونٹی پر مبنی پروگرام منعقد کرنے کے عزم کا اظہار کیا۔
