جنگ نیوز ڈیسک
سرینگر، 18 اگست: محکمہ امورِ نوجوانان و کھیل جموں و کشمیر نے کھیلوں کے بنیادی ڈھانچے کی توسیع اور بہتر استعمال کے لیے ضلع وار منصوبۂ عمل تیار کرنے کا فیصلہ کیا ہے۔
کمشنر سیکریٹری ڈاکٹر شاہد اقبال چودھری نے جائزہ اجلاس میں بتایا کہ CapEx کے تحت 210 اور SASCI کے تحت 17 کھیل منصوبے جاری ہیں، جن پر 500 کروڑ روپے سے زائد خرچ کیے جا رہے ہیں۔
انہوں نے سرحدی، دور دراز، پہاڑی اور قبائلی علاقوں میں کھیل سہولیات کی بہتری، موجودہ میدانوں کو فعال بنانے اور باصلاحیت کھلاڑیوں کی شناخت و تربیت پر زور دیا۔
اجلاس میں تقریباً 1800 رہبرِ کھیل ReKs کی مستقلی کے عمل کا بھی جائزہ لیا گیا، جبکہ مزید 500 کی مستقلی کی تجویز محکمہ مالیات کو بھیجی جا چکی ہے۔
