سرینگر:
جموں و کشمیر میں آنے والے دنوں میں وقفے وقفے سے بارش اور گرجمک کے ساتھ چھینٹیں پڑنے کا امکان ہے۔ محکمہ موسمیات سرینگر نے 9 سے 11 اگست کے درمیان کچھ اضلاع میں تیز بارش اور قلیل مدتی شدید بونداباندی کی پیشگوئی کی ہے۔
تازہ ترین پیشگوئی کے مطابق، 6 سے 8 اگست کے دوران کئی مقامات پر ہلکی سے درمیانی بارش یا گرجمک کے ساتھ چھینٹے پڑنے کا امکان ہے، جبکہ چند مقامات پر قلیل مدتی شدید بارش ہو سکتی ہے۔ 9 سے 11 اگست کے درمیان موسم مزید خراب ہونے کی توقع ہے، جب زیادہ تر علاقوں میں ہلکی سے درمیانی بارش اور گرجمک کے ساتھ چھینٹیں پڑیں گی۔ اس دوران کچھ اضلاع میں بھاری بارش یا قلیل مدتی شدید تیز بارش کا امکان ہے۔
محکمہ موسمیات نے خاص طور پر 9 سے 11 اگست کے دوران محتاط رہنے کا مشورہ دیا ہے اور خبردار کیا ہے کہ شدید بارشیں اور قلیل مدتی تیز بوچھاریں حساس علاقوں میں فلیش فلڈ (ناگہانی سیلاب) اور لینڈ سلائیڈنگ (تودے گرنے) کا سبب بن سکتی ہیں۔
12 سے 15 اگست تک کئی مقامات پر ہلکی بارش یا گرجمک کے ساتھ چھینٹے پڑنے کا امکان ہے، جبکہ چند جگہوں پر قلیل مدتی شدید بارش بھی ہو سکتی ہے۔
