جنگ نیوز
لداخ/ORON (ون رائیڈ ون نیشن) نے لداخ کے امُلنگ لا پر 390 فٹ طویل قومی پرچم لہرا کر اپنے ‘مشن ترنگا کو کامیابی سے مکمل کرتے ہوئے کارگل جنگ کے شہداء کو خراجِ عقیدت پیش کیا۔
KNO کے مطابق یہ مہم ابتدا میں 26 جولائی کو کارگل وجے دیوس کے موقع پر منعقد ہونی تھی، تاہم خراب موسم کے باعث مؤخر کر دی گئی۔ موسم بہتر ہونے کے بعد ٹیم نے دوبارہ سفر شروع کیا اور کامیابی کے ساتھ مشن مکمل کیا۔
ORON کے بانی نتیش پال کی قیادت میں ٹیم نے شدید سردی، بلند ترین بلندی اور دشوار گزار راستوں کا سامنا کرتے ہوئے ترنگا امُلنگ لا تک پہنچایا۔ نتیش پال نے کہا کہ اس مہم کا مقصد کوئی عالمی ریکارڈ قائم کرنا نہیں بلکہ کارگل کے شہداء اور مسلح افواج کی قربانیوں کو خراجِ تحسین پیش کرنا تھا۔
