جنگ نیوز
جمعہ کو مرکزی کابینہ نے امتحانی پرچوں کے لیک ہونے کے معاملات میں سخت سزا کو یقینی بنانے کے لئے ایک مسودۂ بل کی منظوری دے دی، جس میں زیادہ سے زیادہ 10 کروڑ روپے جرمانہ شامل ہے۔ وزیر اعظم نریندر مودی کی جانب سے گزشتہ روز اس فیصلے کا اعلان کیے جانے کے بعد سرکاری ذرائع نے اس کی تصدیق کی۔
وزیر اعظم کی زیر صدارت پارلیمنٹ ہاؤس کمپلیکس میں ہونے والے کابینہ اجلاس میں موجودہ قانون کے مقابلے میں زیادہ سخت سزاؤں پر مشتمل مسودۂ بل منظور کیا گیا۔
یہ بل "عوامی امتحانات (غیر منصفانہ ذرائع کی روک تھام) ایکٹ، 2024” میں ترمیم کرے گا، جس میں منظم انداز میں پرچہ لیک کرنے والوں کے لئے کم از کم پانچ سال قید کی سزا تجویز کی گئی ہے۔ انفرادی طور پر ملوث افراد کو قید اور جرمانے کی سزا دی جائے گی، جبکہ منظم پرچہ لیک کے معاملات میں 10 سال تک قید اور زیادہ سے زیادہ 10 کروڑ روپے جرمانہ عائد کیا جا سکے گا۔
NTA نے 47 افسران کو برطرف کر دیا
امتحانی نظام کو مضبوط بنانے کے لئے این ٹی اے نے اصلاحاتی عمل کے تحت 47 افسران کی خدمات ختم کر دی ہیں۔ سرکاری ذرائع کے مطابق وزارتِ تعلیم کے بعض برطرف افسران کو امتحانی انتظامات اور پرچہ لیک تنازعات کے سلسلے میں قانونی و فوجداری کارروائی کا بھی سامنا کرنا پڑ سکتا ہے۔ذرائع کے مطابق اس بل کے ذریعے فاسٹ ٹریک عدالتوں کے قیام کے لئے قانونی بنیاد فراہم کی جائے گی، جو تین ماہ کے اندر مقدمات کا فیصلہ کرنے اور سزا سنانے کی پابند ہوں گی۔
