جنگ نیوز ڈیسک
بڈگام، 16 جولائی: محکمہ اطلاعات و تعلقاتِ عامہ (DIPR) کی ثقافتی اکائی کشمیر نے سیاحتی مقام یوس مرگ میں روز بھر پر محیط ثقافتی پروگرام منعقد کیا، جس میں رنگا رنگ ثقافتی مظاہروں کے ساتھ منشیات کے بڑھتے رجحان کے خلاف عوامی بیداری پیدا کی گئی۔
پروگرام میں بھانڈ پاتھر، بچہ نغمہ، لوک موسیقی اور NMJKA پر مبنی ایک ڈرامہ پیش کیا گیا، جس میں منشیات کے مضر اثرات اور نشہ سے پاک معاشرے کی ضرورت کو اجاگر کیا گیا۔
تقریب میں ملک کے مختلف حصوں سے آئے سیاحوں سمیت بڑی تعداد میں لوگوں نے شرکت کی اور فنکاروں کی پیشکشوں کو سراہا۔ شرکا نے DIPR کے اس اقدام کو ثقافت کے فروغ، سیاحت کی ترویج اور سماجی شعور بیدار کرنے کی مؤثر کوشش قرار دیا۔
