جنگ نیوز ڈیسک
سرینگر/چنار بک فیسٹیول کے چیف کنوینر ڈاکٹر امیت وانچو نے نیشنل بک ٹرسٹ کی شوبھا کپور کے ہمراہ لیفٹیننٹ گورنر منوج سنہا سے ملاقات کی اور 18 سے 26 جولائی تک سرینگر میں منعقد ہونے والے چنار بک فیسٹیول کی تیاریوں سے آگاہ کیا۔
نو روزہ ادبی میلے میں ملک بھر سے 200 سے زائد ناشرین اور کتابوں کے نمائش کنندگان شرکت کریں گے۔ فیسٹیول میں کتابوں کی نمائش کے علاوہ ادبی نشستیں، مصنفین سے ملاقات، کتابوں کی رونمائی، بچوں کے پروگرام، کہانی گوئی، ورکشاپس، مشاعرے، صوفیانہ موسیقی اور نوجوانوں کے لئے خصوصی سرگرمیاں بھی منعقد کی جائیں گی۔
