دہلی
دہلی ہائی کورٹ نے بالی ووڈ اداکار راج پال یادو کو چیک باؤنس کیس میں تین ماہ قید کی سزا سنا دی ہے۔
درخواست گزار کمپنی کے وکیل کے مطابق، جسٹس سورنا کانتا نے ماتحت عدالتوں کے اس فیصلے کو برقرار رکھا ہے جس میں راج پال یادو کو چیک باؤنس کے معاملے میں قصوروار قرار دیا گیا تھا۔ عدالت نے انہیں شکایت کنندہ کو واجب الادا رقم ادا کرنے کا بھی حکم دیا ہے.
اس کیس میں راج پال یادو کی اہلیہ رادھا یادو بھی شریک ملزم ہیں اور عدالت نے انھیں بھی رقم کی ادائیگی کا حکم دیا ہے۔یاد رہے کہ سنہ 2010 میں راج پال یادو نے اپنی ایک فلم ’اتا، پتا، لاپتہ‘ کے لیے ’مرلی پروجیکٹس پرائیویٹ لمیٹڈ‘ نامی ایک پرائیوٹ کمپنی سے تقریباً پانچ کروڑ کا قرض لیا تھا۔
