جنگ نیوز
سرینگر، 6 جولائی: جموں کشمیر اسپورٹس کونسل نے اسپورٹس کوٹہ کے تحت بھرتیوں سے متعلق مختلف میڈیا اور سوشل میڈیا پلیٹ فارمز پر گردش کرنے والے گمراہ کن دعوؤں کی تردید کرتے ہوئے واضح کیا ہے کہ نمایاں کھلاڑیوں کی تقرریاں مکمل طور پر حکومتی قواعد اور نوٹیفکیشنز کے مطابق عمل میں آتی ہیں۔
کونسل کے مطابق S.O. 12 of 2022 اور دیگر متعلقہ حکومتی احکامات کے تحت Pencak Silat اور Kayaking اور Canoeing (Dragon Boat) تسلیم شدہ کھیل ہیں اور ان کی شمولیت قانونی تقاضوں کے مطابق کی گئی ہے۔ کونسل نے کہا کہ اسپورٹس کوٹہ کے تحت بھرتیوں کا عمل چیف سیکریٹری کی سربراہی میں قائم اعلیٰ اختیاراتی سلیکشن کمیٹی انجام دیتی ہے اور تمام فیصلے میرٹ، شفافیت اور مقررہ قواعد کے مطابق کیے جاتے ہیں۔
