جنگ نیوز
سرینگر/ میرواعظ کشمیر ڈاکٹر مولوی محمد عمر فاروق نے میڈیا اور سوشل میڈیا صارفین پر زور دیا ہے کہ وہ مواد کی تیاری اور تشہیر میں ذمہ داری، احتیاط اور اخلاقی اقدار کو ملحوظ رکھیں۔
جامع مسجد سرینگر میں نماز جمعہ کے اجتماع سے خطاب کرتے ہوئے انہوں نے کہا کہ ویوز، فالوورز اور TRPs کے حصول کے لئے بچوں کو سوشل میڈیا پر استعمال کرنا مناسب نہیں۔ انہوں نے کہا کہ بچے معاشرے کا مستقبل ہیں اور ان کے سامنے پیش کیا جانے والا مواد ان کی سوچ اور کردار پر اثر انداز ہوتا ہے۔
میرواعظ نے صحافیوں، کانٹینٹ کریئیٹرز اور سوشل میڈیا صارفین سے اپیل کی کہ وہ ذمہ داری کے ساتھ کام کریں، کیونکہ معاشرہ اسی رخ پر چلتا ہے جس مواد کو ہم دیکھتے، فروغ دیتے اور دوسروں تک پہنچاتے ہیں۔
