جنگ نیوز ڈیسک
جموں/— جموں و کشمیر وقف بورڈ کی چیئرپرسن ڈاکٹر سید درخشاں اندرابی نے آج حج ہاؤس بہوت پلازہ، جموں میں عید کی تیاریوں کا اجلاس منعقد کیا، جس میں مختلف سرکاری محکموں کے نمائندوں، معروف ائمہ، خطباء اور وقف بورڈ کے افسران و منتظمین نے شرکت کی۔
اجلاس میں ڈاکٹر مشتاق احمد، ایڈیشنل کمشنر، یوگدیو پادھا، ڈپٹی ڈائریکٹر فوڈ اینڈ سپلائز، اشوک چبر، ایگزیکٹو انجینئر، بجلی محکمے، ہمانشو گندوترا، اسسٹنٹ ڈائریکٹر فائر اینڈ ایمرجنسی سروسز، ایڈیشنل سپرنٹنڈنٹ پولیس اروند سنگھ، ایس پی سیکیورٹی محمد عثمان اور دیگر نے بھی حصہ لیا۔
ڈاکٹر اندرابی نے کہا کہ وقف بورڈ اور سرکاری محکمے مل کر عید الاضحی کی تقریبات کیلئے مکمل انتظامات یقینی بنا رہے ہیں۔
انہوں نے میڈیا سے بات کرتے ہوئے کہا کہ وقف بورڈ نے قربانی کے جانوروں کی فراہمی اور عید کی نماز کے مقامات پر سہولیات کی فراہمی کے لیے ہر ممکن اقدام اٹھایا ہے۔
انہوں نے کہا: "مذہبی تہوار عقیدے سے وابستہ اہم مواقع ہوتے ہیں، مگر یہ پوری انسانیت کو جوڑنے کا بھی ذریعہ ہیں۔”
