جنگ نیوز ڈیسک
سری نگر/سری نگر پولیس نے سوِک ایکشن پروگرام (CAP) 2026-27 کے تحت پولو گراؤنڈ کے رگبی پلے فیلڈ میں ڈسٹرکٹ فٹ بال ایسوسی ایشن کے اشتراک سے فٹ بال ٹورنامنٹ شروع کیا۔ افتتاحی میچ ڈاؤن ٹاؤن ہیروز ایف سی اور اولڈ سٹی یونائیٹڈ ایف سی کے درمیان کھیلا گیا، جبکہ فائنل 3 نومبر کو ہوگا۔ فاتح اور رنر اَپ ٹیموں کو نقد انعامات اور ٹرافیاں دی جائیں گی۔
افتتاحی تقریب میں ایس پی سٹی نارتھ زون شوکت احمد ڈار سمیت پولیس کے دیگر سینئر افسران موجود تھے۔ پولیس کے مطابق اس اقدام کا مقصد نوجوانوں میں کھیلوں، نظم و ضبط، ٹیم ورک اور بھائی چارے کو فروغ دینا اور پولیس و عوام کے درمیان تعلقات مضبوط بنانا ہے۔
