جنگ نیوز ڈیسک
سرینگر/ اقتصادی جرائم ونگ (ای او ڈبلیو)، کرائم برانچ کشمیر نے لیفٹیننٹ گورنر کے جعلی مکتوب کے ذریعے اننت ناگ پولیس انتظامیہ کو متاثر کرنے کی کوشش کے الزام میں پلوامہ کے ثقلین مشتاق ڈار ولد مشتاق احمد ڈار کے خلاف چارج شیٹ دائر کی ہے۔
ترجمان کے مطابق ملزم کے خلاف ایف آئی آر نمبر 29/2026 کے تحت بھارتیہ نیائے سنہتا (بی این ایس) کی متعلقہ دفعات کے تحت سب جج سرینگر کی عدالت میں چارج شیٹ پیش کی گئی۔
تحقیقات میں انکشاف ہوا کہ ملزم نے لیفٹیننٹ گورنر کی نقالی کرتے ہوئے ایس ایس پی اننت ناگ کے نام جعلی مکتوب تیار کیا، جس میں سرکاری لیٹر ہیڈ اور دستخط کا غیر قانونی استعمال کیا گیا۔
ای او ڈبلیو نے تحقیقات کو ثابت شدہ قرار دیتے ہوئے معاملہ عدالت کے سپرد کر دیا ہے۔ عوام سے اپیل کی گئی ہے کہ سرکاری عہدیداروں کے نام سے موصول ہونے والے مشکوک خطوط کی تصدیق کریں اور جعل سازی کے واقعات کی اطلاع متعلقہ حکام کو دیں۔
