بارہمولہ (کوثر عرفات): جموں و کشمیر سے تعلق رکھنے والے فاسٹ باؤلر عاقب نبی نے ویسٹ انڈیز کے خلاف دوسرے ون ڈے میچ کے لیے بھارت کی پلیئنگ الیون میں شامل کیے جانے کے بعد بین الاقوامی سطح پر اپنے کیریئر کا آغاز (ڈیبیو) کر دیا ہے۔
عاقب نبی کا ڈیبیو
29 سالہ عاقب نبی ڈار کے بین الاقوامی ڈیبیو کا انتظار بالآخر ختم ہو گیا ہے۔ جموں و کشمیر سے تعلق رکھنے والے اس آل راؤنڈر کو اپنے پہلے ون ڈے انٹرنیشنل میچ کی کیپ مل گئی۔ ڈومیسٹک کرکٹ میں سخت محنت اور شاندار کارکردگی کے صلے میں انہیں بالآخر بھارتی ٹیم میں جگہ مل گئی۔
کپتان شبمن گل نے ٹاس کے موقع پر نوجوان کھلاڑی کے لیے تاریخی لمحے کی تصدیق کی۔
انہوں نے پلیئنگ الیون میں تبدیلی کا ذکر کرتے ہوئے کہا، "ہمارے پاس ایک تبدیلی ہے، نتیش کی جگہ عاقب نبی اپنا ڈیبیو کر رہے ہیں۔”
نبی نے 36 لسٹ اے میچوں میں 5.20 کی اکانومی اور 31.5 کے اسٹرائیک ریٹ کے ساتھ 56 وکٹیں حاصل کیں ہیں۔
دائیں ہاتھ کے فاسٹ باؤلر نے اپنے کیرئیر میں 34 ٹی ٹوئنٹی میچ کھیلے ہیں جس میں 7.74 کے اکانومی ریٹ سے 43 وکٹیں حاصل کی ہیں۔ فرسٹ کلاس کرکٹ میں ان کے 125 اور لسٹ اے کرکٹ میں 42 آؤٹ ہیں۔
آئی پی ایل 2026 کی نیلامی میں جموں و کشمیر کے تیز گیند باز عاقب نبی کا جلوہ دیکھنے کو ملا۔ دہلی کیپٹلس اور سن رائزرس حیدرآباد کو اس تیز گیند باز کے لیے سخت مقابلے کا سامنا کرنا پڑا، لیکن آخر کار، دہلی کیپٹلس نے عاقب نبی کو 8.40 کروڑ میں خریدا تھا۔
