جنگ نیوز ڈیسک
سرینگر/سرینگر کے تاریخی پولو گراؤنڈ میں منعقدہ 20ویں سینئر مردوں اور 16ویں سینئر خواتین سائیکل پولو فیڈریشن کپ 2026-27 منگل کو اختتام پذیر ہوا، جس میں ملک بھر سے 220 سے زائد کھلاڑیوں، عہدیداروں اور رضاکاروں نے شرکت کی۔
اختتامی تقریب میں رکن پارلیمان آغا سید روح اللہ مہدی مہمانِ خصوصی تھے، جبکہ احمد لالانی، سوویندرو ملک، سی کے پانڈے، عمران شاہ، مزمل ڈار، ایم ایل نائک، ولایت حسین اور شیخ ذوالفقار سمیت کئی شخصیات موجود تھیں۔
مردوں کے زمرے میں بھارتی فوج نے بھارتی فضائیہ کو شکست دے کر خطاب جیتا، جبکہ ٹیریٹوریل آرمی تیسرے مقام پر رہی۔ خواتین کے مقابلوں میں چھتیس گڑھ چیمپئن بنا، کیرالہ نے دوسری اور اتر پردیش نے تیسری پوزیشن حاصل کی۔
احمد لالانی اور CPFI و JKCPA کے عہدیداروں نے کامیاب ٹیموں میں ٹرافیاں، تمغے اور اسناد تقسیم کیں، جبکہ مہمانِ خصوصی نے مہمانوں، امپائروں اور میڈیا نمائندوں کو یادگاری تحائف پیش کیے۔
چیمپئن شپ کا انعقاد JKCPA نے CPFI کے زیرِ اہتمام اور جموں و کشمیر اسپورٹس کونسل کے تعاون سے کیا۔ لیجنڈز اسکول، سی پی ایڈورٹائزمنٹ ایجنسی، خیبر سیمنٹس، دسویں بٹالین ایس ایس بی، ریڈ اسٹون ڈرنکس اور شغل نے مقابلوں کی سرپرستی کی۔
