جنگ نیوز

نیپال میں مون سون بارشوں کے بعد مستنگ کے قریب پہاڑی تودہ گرنے سے ملبہ کالی گنڈکی دریا میں جا گرا، جس کے نتیجے میں مانانگ، میاگدی اور باگلنگ سمیت کئی اضلاع میں سیلاب کی شدت بڑھ گئی۔
حکام کے مطابق، حادثات میں کم از کم 24 افراد ہلاک اور 14 لاپتہ ہیں، جبکہ سینکڑوں خاندان متاثر اور 1500 افراد مکانات تباہ ہونے کے باعث بے گھر ہوگئے ہیں۔
یہ تباہی نیپال میں سیلاب اور لینڈ سلائیڈنگ کے بڑھتے بحران کا حصہ ہے۔ چند ہفتے قبل اگست کے سیلاب میں بھی ایک ہزار سے زائد افراد ہلاک ہوئے تھے۔
ماہرین کے مطابق، شدید بارشوں، پہاڑی علاقوں کی نازک جغرافیائی ساخت اور موسمیاتی تبدیلیوں کے باعث نیپال میں ایسے قدرتی آفات کا خطرہ بڑھ رہا ہے۔ مسلسل بارشوں نے امدادی کارروائیوں کو بھی مشکل بنا دیا ہے، جبکہ متاثرہ علاقوں میں مزید جانی و مالی نقصان کا خدشہ برقرار ہے۔

جنگ نیوز

نیپال میں مون سون بارشوں کے بعد مستنگ کے قریب پہاڑی تودہ گرنے سے ملبہ کالی گنڈکی دریا میں جا گرا، جس کے نتیجے میں مانانگ، میاگدی اور باگلنگ سمیت کئی اضلاع میں سیلاب کی شدت بڑھ گئی۔
حکام کے مطابق، حادثات میں کم از کم 24 افراد ہلاک اور 14 لاپتہ ہیں، جبکہ سینکڑوں خاندان متاثر اور 1500 افراد مکانات تباہ ہونے کے باعث بے گھر ہوگئے ہیں۔
یہ تباہی نیپال میں سیلاب اور لینڈ سلائیڈنگ کے بڑھتے بحران کا حصہ ہے۔ چند ہفتے قبل اگست کے سیلاب میں بھی ایک ہزار سے زائد افراد ہلاک ہوئے تھے۔
ماہرین کے مطابق، شدید بارشوں، پہاڑی علاقوں کی نازک جغرافیائی ساخت اور موسمیاتی تبدیلیوں کے باعث نیپال میں ایسے قدرتی آفات کا خطرہ بڑھ رہا ہے۔ مسلسل بارشوں نے امدادی کارروائیوں کو بھی مشکل بنا دیا ہے، جبکہ متاثرہ علاقوں میں مزید جانی و مالی نقصان کا خدشہ برقرار ہے۔