راجوری، 09 ستمبر:
اینٹی کرپشن بیورو (اے سی بی) نے بدھ کے روز گورنمنٹ ٹریژری کالا کوٹ میں تعینات ایک کلرک کو 20,000 روپے رشوت مانگنے اور قبول کرنے کے الزام میں رنگے ہاتھوں گرفتار کر لیا۔
ایک اہلکار نے بتایا کہ ملزم کلرک، جس کی شناخت خادم حسین کے نام سے ہوئی ہے، کو شکایت کنندہ سے رشوت لیتے ہوئے موقع پر ہی دھر دبوچا گیا۔
اہلکار نے مزید کہا کہ غیر قانونی فائدے (رشوت) کے مطالبے سے متعلق موصول ہونے والی شکایت پر کارروائی کرتے ہوئے، اے سی بی نے جال بچھایا اور لین دین کے دوران ملزم کو گرفتار کر لیا۔
انہوں نے بتایا کہ ملزم کو تحویل میں لے کر اس معاملے میں کیس درج کر لیا گیا ہے، جبکہ مزید تحقیقات جاری ہیں۔
