جنگ نیوز ڈیسک
سری نگر/ خیبر سیمنٹ کشمیر سپر لیگ (KSL) کے دوسرے سیزن کے لیے چھ فرنچائزز کی جرسیوں اور لیگ ٹرافی کی ٹی آر سی گراؤنڈ میں رونمائی کردی گئی۔
تقریب میں وزیر برائے کھیل ستیش شرما، کمشنر سیکریٹری ڈاکٹر شاہد اقبال چودھری، اسپورٹس کونسل کی سیکریٹری نزہت گل اور خیبر سیمنٹ کے وسیم احمد خان سمیت دیگر شخصیات نے شرکت کی۔
گزشتہ سیزن کی چیمپئن United Elegant FC اپنے اعزاز کا دفاع کرے گی، جبکہ تقریباً 200 کھلاڑیوں پر مشتمل نیلامی کے بعد تمام چھ ٹیموں نے اپنے اسکواڈ مکمل کر لیے ہیں۔ منتظمین کے مطابق لیگ نوجوان فٹ بالرز کو اپنی صلاحیتوں کے اظہار کے لیے ایک بڑا پلیٹ فارم فراہم کرے گی۔
