اخراجات اور غذائی تحفظ سے متعلق تنقید کے خلاف ‘ایتھنول بلینڈڈ پیٹرول’ (EBP) پروگرام کا دفاع کرتے ہوئے، پٹرولیم اور قدرتی گیس کی وزارت نے جمعہ کے روز کہا کہ اگر بھارت نے ایتھنول کی ملاوٹ کو نافذ نہ کیا ہوتا، تو عالمگیر خام تیل کی قیمتوں میں اضافے کے دوران دہلی میں پیٹرول کی خرادہ (ریٹیل) قیمت بڑھ کر تقریباً 125 روپے فی لیٹر تک پہنچ سکتی تھی۔
بین الاقوامی مارکیٹ میں اتار چڑھاؤ کے دوران شہریوں کو ملنے والی نمایاں مالی راحت کا ذکر کرتے ہوئے، پٹرولیم اور قدرتی گیس کی وزارت نے کہا:
جب بھارتی خام تیل کا باسکٹ تقریباً 135 امریکی ڈالر فی بیرل تک پہنچ گیا تھا، تب بھی صارفین نے 94.77 روپے فی لیٹر ادا کیے، کیونکہ ہر لیٹر میں 20 فیصد حصہ مقامی طور پر تیار کردہ اور مستحکم قیمت والے ایتھنول کا تھا جو عالمی جھٹکوں سے محفوظ رہا۔
ایک پریس ریلیز میں وزارت نے بتایا کہ جب بھارتی خام تیل کی قیمتیں تقریباً 135 ڈالر فی بیرل تک بڑھ گئی تھیں، تو بغیر ایتھنول والی پیٹرول کی قیمت دہلی میں "تقریباً 125 روپے فی لیٹر متوقع تھی۔” اس کے برعکس صارفین نے 94.77 روپے فی لیٹر ادا کیے کیونکہ "ہر لیٹر میں 20 فیصد حصہ مقامی طور پر تیار کردہ ایتھنول تھا، جسے مستحکم اور پہلے سے طے شدہ قیمتوں پر حاصل کیا گیا تھا جو عالمی خام تیل کی قیمتوں کے اضافے سے محفوظ رہیں۔”
ایتھنول بلینڈڈ پیٹرول (EBP) پروگرام کی بدولت 1.97 لاکھ کروڑ روپے سے زائد کا زر مبادلہ بچایا گیا ہے، 316 لاکھ میٹرک ٹن سے زیادہ خام تیل کی درآمدات کا متبادل فراہم کیا گیا ہے، اور CO₂ کے اخراج میں 950 لاکھ میٹرک ٹن سے زیادہ کی کمی آئی ہے۔
وزارت نے اس دعوے کو بھی رد کر دیا کہ ایتھنول کی ملاوٹ ٹیکس دہندگان کی سبسڈیز پر چل رہی ہے۔ وزارت نے کہا: "ایتھنول کی ملاوٹ ٹیکس دہندگان کی سبسیڈی نہیں ہے، یہ بھارت کی توانائی کی انشورنس ہے اور اس نے بحران کے وقت بہترین نتائج دیے ہیں۔”
اس اقدام کے نتیجے میں کسانوں اور ڈسٹلرز کو 1.66 لاکھ کروڑ روپے سے زیادہ کی براہ راست ادائیگی ہوئی ہے، جس سے زرعی پیداوار کے لیے ایک قابل اعتماد مقامی منڈی قائم ہوئی ہے اور خام تیل پر بھارت کے 88 فیصد درامداتی انحصار میں کمی آئی ہے۔
