کولگام، 31 جولائی:
جنوبی کشمیر کے ضلع کولگام کے علاقے کیلام میں جمعہ کی شام دہشت گردوں نے غیر مقامی مزدوروں پر فائرنگ کر دی، جس کے نتیجے میں ایک مزدور ہلاک اور دوسرا شدید زخمی ہو گیا۔
حکام نے بتایا کہ دہشت گردوں نے کیلام کے مقام پر دو غیر مقامی شہریوں کو نشانہ بنایا۔ دونوں کو علاج کے لیے فوری طور پر نزدیکی ہسپتال منتقل کیا گیا۔
بعد ازاں، زخمیوں میں سے ایک شخص زخموں کی تاب نہ لاتے ہوئے دم توڑ گیا۔ جبکہ دوسرے زخمی مزدور کو مزید علاج کے لیے ‘جی ایم سی اننت ناگ’ منتقل کر دیا گیا ہے۔
سیکیورٹی فورسز نے علاقے کا محاصرہ کر کے حملہ آوروں کی تلاش کے لیے سرچ آپریشن شروع کر دیا ہے۔
مزید تفصیلات کا انتظار ہے۔
