یوکرین کے صدر ولادیمیر زیلینسکی نے جمعرات کے روز ایک بیان میں کہا کہ روسی افواج نے گذشتہ رات یوکرین کے کئی خطوں پر ایک بڑے فضائی حملے شروع کیے، جس کے نتیجے میں بچوں سمیت کم از کم آٹھ افراد ہلاک، جب کہ درجنوں زخمی ہو گئے۔
سوشل میڈیا پلیٹ فارم ایکس پر ایک پوسٹ میں زیلینسکی نے کہا کہ "گذشتہ رات، دنیپرو ریجن کے راڈوشنے علاقے پر ایک روسی میزائل حملے میں ایک جوڑا اور تین بچے ہلاک ہو گئے۔ دو اور بچوں کو ملبے کے نیچے سے زندہ نکال لیا گیا ہے۔”
انہوں نے کہا کہ میزائل حملے نے ایک عام رہائشی عمارت کو تباہ کر دیا، جب کہ ایک اور رہائشی عمارت کو نشانہ بنائے جانے کے بعد لیویو میں ریسکیو آپریشن شروع کیا گیا۔
انہوں نے کہا کہ "ابھی تک، ملک بھر میں آٹھ افراد کے ہلاک ہونے کی اطلاع ملی ہے۔ میری تعزیت ان تمام ہلاک شدگان کے اہل خانہ اور پیاروں کے ساتھ ہے۔ درجنوں افراد زخمی ہوئے ہیں، اور ہر ایک کو ضروری طبی امداد فراہم کی جا رہی ہیں۔ تمام متعلقہ ادارے اس کام میں شامل ہیں۔”
روس نے یوکرین کے کئی علاقوں کو نشانہ بنایا
زیلینسکی نے کہا کہ کیف اور اس کے آس پاس کا علاقہ، دنیپرو، لیویو، پولٹاوا، خارکیف، مائیکولائیو، سومی، وینیتسیا، چرکاسی اور ایوانو-فرینکیوسک رات کو ہوئے حملے کی زد میں آئے۔
انہوں نے کہا کہ "اس حملے میں 70 سے زائد میزائل استعمال کیے گئے، جن میں سے ایک بڑی تعداد بیلسٹک میزائلوں کی تھی۔ اس کے علاوہ 280 سے زائد حملہ آور ڈرونز بھی شامل تھے، جن میں سے 260 سے زیادہ ڈرونز کو فضا میں ہی تباہ (انٹرسیپٹ) کر دیا گیا۔”
 کر دیا گیا){kind=link}