فیضان پنجابی
جموں و کشمیر میں اگلے 3 سے 5 گھنٹوں کے دوران درمیانے سے تیز بارش کا سلسلہ جاری رہنے کا امکان
محکمہ موسمیات سری نگر نے فلیش فلڈ (ناگہانی سیلاب) اور لینڈ سلائیڈنگ (زمین کھسکنے) کی ایڈوائزری جاری کر دی
سری نگر، 21 جولائی (جی این ایس): محکمہ موسمیات سری نگر کے مطابق جموں و کشمیر کے بیشتر علاقوں میں درمیانے درجے کی بارش ہو رہی ہے، جبکہ وادی کے چند حصوں اور چناب ویلی میں شدید سے بہت تیز بارش کی اطلاعات ہیں۔
شام 4:30 بجے جاری کردہ الرٹ کے مطابق بڈگام، کپواڑہ، بارہمولہ، گاندربل، جنوبی کشمیر کے کچھ حصوں اور چناب ویلی میں درمیانے درجے کی بارش کے ساتھ کچھ مقامات پر شدید بارش ریکارڈ کی گئی ہے۔
محکمہ موسمیات کا کہنا ہے کہ بارش اور گرجمکاں کا موجودہ سلسلہ اگلے 3 سے 5 گھنٹوں تک جاری رہنے کا امکان ہے، جس کے دوران چند مقامات پر مختصر وقت کے لیے تیز مائل بارش ہو سکتی ہے۔
