جنگ نیوز ڈیسک
بارہمولہ/ بارہمولہ کے 22 سالہ ایتھلیٹ عبادت ولی نے لال چوک، اننت ناگ سے ڈپٹی کمشنر آفس بارہمولہ تک 119 کلومیٹر طویل سولو دوڑ 10 گھنٹے 55 منٹ میں مکمل کرکے شمالی کشمیر کے پہلے ایتھلیٹ ہونے کا اعزاز حاصل کیا۔
یہ دوڑ "نشہ مکتجموں کشمیر ابھیان” کے پیغام کو عام کرنے کے لیے منعقد کی گئی تھی، جس کا مقصد نوجوانوں کو منشیات سے دور رہنے اور صحت مند طرزِ زندگی اپنانے کی ترغیب دینا تھا۔
ڈپٹی کمشنر آفس پہنچنے پر ADDC بارہمولہ پرانجل جے ہزاریکا نے عبادت ولی کو مبارکباد دیتے ہوئے ان کی ہمت اور عزم کو سراہا۔
