جنگ نیوز ڈیسک
نیشنل کانفرنس کے صدر ڈاکٹر فاروق عبداللہ نے جموں و کشمیر کو ریاستی درجہ بحال کرنے کے مطالبے پر نئی دہلی کے جنتر منتر میں مجوزہ احتجاجی مظاہرے میں شرکت کے لئے 52 قومی و علاقائی رہنماؤں کو دعوت نامے ارسال کیے ہیں۔
دعوت نامے INDIA اتحاد، دیگر قومی جماعتوں اور جموں و کشمیر کی تمام بڑی سیاسی جماعتوں کے رہنماؤں کو بھیجے گئے ہیں۔ ان میں سونیا گاندھی، راہل گاندھی، ملکارجن کھڑگے، ممتا بنرجی، ایم کے اسٹالن، اکھلیش یادو، شرد پوار، اروند کیجریوال، محبوبہ مفتی، غلام نبی آزاد، سجاد لون، الطاف بخاری، طارق حمید کرا، ست پال شرما (بی جے پی)، میرواعظ عمر فاروق شامل ہیں۔
فاروق عبداللہ نے اپنے خط میں کہا کہ 5 اگست 2019 کے بعد پارلیمنٹ میں ریاستی درجہ بحال کرنے کا وعدہ کیا گیا تھا، تاہم آج تک اس پر عمل نہیں ہوا، جو جموں و کشمیر کے عوام کے جمہوری حق سے انکار کے مترادف ہے۔ انہوں نے کہا کہ احتجاج مکمل طور پر پرامن اور جمہوری ہوگا۔
