جنگ نیوز
چائلڈ ویلفیئر کمیٹی (CWC) سرینگر نے تمام سرکاری و نجی اسکولوں کو بچوں کے تحفظ سے متعلق نئے رہنما اصول جاری کرتے ہوئے اسکولی بسوں اور وینوں میں سی سی ٹی وی کیمرے نصب کرنے، چائلڈ پروٹیکشن کمیٹیاں قائم کرنے اور عملے کو بچوں کے تحفظ سے متعلق قوانین کی لازمی تربیت دینے کی ہدایت دی ہے۔
کمیٹی نے اسکولوں کو ہراسانی، سائبر بُلیئنگ اور بچوں کے استحصال کے خلاف مؤثر نظام قائم کرنے، چائلڈ ہیلپ لائن 1098 نمایاں طور پر آویزاں کرنے اور بچوں سے متعلق کسی بھی مشتبہ زیادتی یا استحصال کے واقعے کی فوری اطلاع متعلقہ حکام کو دینے کی بھی ہدایت دی۔ کمیٹی نے واضح کیا کہ ان ہدایات پر عمل نہ کرنے کی صورت میں قانونی کارروائی کی جا سکتی ہے۔
