جنگ نیوز
فرانس/ جی 7 اجلاس کے موقع پر امریکی صدر ڈونلڈ ٹرمپ اور وزیر اعظم نریندر مودی کے درمیان ملاقات ہوئی، جس میں دوطرفہ تعلقات، تجارت، مغربی ایشیا کی صورتحال اور عالمی امور پر تبادلۂ خیال کیا گیا۔
ملاقات کے دوران ٹرمپ نے مودی کی قیادت کو سراہتے ہوئے انہیں "فرشتہ دکھنے والا مگر انتہائی سخت مذاکرات کار” قرار دیا۔ انہوں نے کہا کہ بھارت اور امریکہ کے تعلقات پہلے سے کہیں زیادہ مضبوط ہوئے ہیں۔
ٹرمپ نے مغربی ایشیا میں امن کی ضرورت پر زور دیتے ہوئے کہا کہ عالمی معاملات میں بھارت کا کردار مسلسل بڑھ رہا ہے اور مودی کی قیادت میں یہ کردار مزید اہم ہوگا۔
آبنائے ہرمز کے قریب حملے میں تین بھارتی ملاحوں کی ہلاکت پر افسوس کا اظہار کرتے ہوئے امریکی صدر نے کہا کہ امریکہ اور بھارت اس طرح کے معاملات پر مل کر کام کرتے ہیں۔
ٹرمپ نے بھارت کے اپنے تاریخی دورے اور دنیا کے سب سے بڑے کرکٹ اسٹیڈیم میں منعقد تقریب کو بھی یاد کیا اور اسے ایک غیر معمولی اور یادگار تجربہ قرار دیا۔
انہوں نے کہا کہ جب تک نریندر مودی بھارت کی قیادت کر رہے ہیں، بھارت ترقی کرتا رہے گا اور عالمی سطح پر ایک بڑا کردار ادا کرے گا۔
