سرینگر
6 جون: حیدرآباد کے ایک 60 سالہ سیاح کو ہفتہ کو سری نگر کے ایس ایم ایچ ایس اسپتال منتقل کرنے کے بعد مردہ قرار دیا گیا۔ متوفی کی شناخت میر ساجد علی ولد میر محمود ساکن حیدرآباد کے طور پر کی گئی ہے جو اس وقت سری نگر کے راج باغ میں ایک ہوٹل میں مقیم تھا۔ حکام نے بتایا کہ سیاح کو ایس ایم ایچ ایس اسپتال لایا گیا، جہاں ڈاکٹروں نے اس کا معائنہ کیا اور اسے مردہ قرار دیا۔ موت کی اصل وجہ فوری طور پر معلوم نہیں ہوسکی ہے اور حکام اس واقعے کی وجہ معلوم کررہے ہیں اسپتال ذرائع نے تصدیق کی کہ لاش اسپتال میں موصول ہوئی ہے اور ضروری طبی قانونی کارروائیاں کی جارہی ہیں۔
