جنگ نیوز
ڈپٹی کمشنر سری نگر اکشے لابرو نے منگل کو جل سنچئے جن بھاگیداری ابھیان 2.0 کے تحت ’’کیچ دی رین‘‘ مہم کی پیش رفت کا جائزہ لینے کے لئے ایک اجلاس کی صدارت کی۔
اجلاس میں ڈی سی نے متعلقہ محکموں کو بارش کے پانی کے ذخیرے اور زیرِ زمین پانی کی بحالی کے پائیدار نظام قائم کرنے کی ہدایت دی۔ انہوں نے پانی کے تحفظ، آبی ذخائر کی جیوتیگنگ اور عوامی بیداری مہمات کو مزید تیز کرنے پر زور دیا۔
ڈی سی نے محکمہ تعلیم کو اسکولوں میں بارش کے پانی کے ذخیرے کے نظام کو فروغ دینے اور ’’جل دوت‘‘ و ’’اسٹوڈنٹ واٹر چیمپئنز‘‘ نامزد کرنے کی ہدایت دی، جبکہ دیگر محکموں کو بھی پانی کے تحفظ اور مؤثر استعمال سے متعلق اقدامات تیز کرنے کو کہا۔
انہوں نے کہا کہ آبی وسائل کا تحفظ مشترکہ ذمہ داری ہے اور تمام محکموں کو مربوط انداز میں کام کرنا ہوگا۔
