جنگ نیوز فیچر
دبئی کی جگمگاتی رات اُس وقت اور بھی روشن ہوگئی جب کشمیرکےقلم کی آواز، صحافی رمیض مخدومی کے پہلے شعری سفر کا آغاز ہوا۔ اُن کی پہلی کتاب ’’عائشہ زکی- ایک شعری خوشبو بھری زندگی‘‘ “Ayesha Zaki – A Life in Poetic Fragrance,”محض صفحات پر لکھے الفاظ نہیں بلکہ احساسات کا وہ ہار ہے جو انہوں نےOTT کی ملکہ اور فلمی افسانوی کردار، عائشہ زکی کے لیے پرویا ہے، ایک ایسی ہستی جن کی فنکارانہ پرواز سرحدوں، زبانوں اور دلوں کو پار کر چکی ہے۔
یہ تاریخی لمحہZee Gulf Green Summit and Awards 2025کے عظیم الشان اجتماع میں منعقد ہوا، جس کی میزبانیWeTel WorldWeTel WorldنےZee World کے اشتراک سے کی۔ یہاں دنیا بھر کے نامور افراد نے جمع ہوکر صرف سنیما اور پائیداری ہی نہیں بلکہ شاعری کی طاقت کو بھی خراجِ تحسین پیش کیا۔
اس تقریب میں شریک معزز شخصیات میں شامل تھے: معالی ڈاکٹر عبداللہ بالحیف النعیمی، چیئرمین شارجہ کونسلیٹیٹو کونسل اور متحدہ عرب امارات کے سابق وزیر برائے ماحولیات و موسمیاتی تبدیلی؛ بالی ووڈ کے معروف اداکار، پروڈیوسر اور ڈائریکٹر ارباز خان؛ فلم ساز اور پروڈیوسر عائشہ زکی؛ ارمان خان ڈائریکٹر وی ٹیل گروپ؛ طارق فریدی، ایڈیٹر و چینل ہیڈ زی میڈیا کارپوریشن لمیٹڈ؛ اور پروفیسر عدیل متین، صدر وی ٹیل سسٹین ایبلیٹی۔
عائشہ زکی جو دبئی میں او ٹی ٹی کوئین کے نام سے جانی جاتی ہیں، متحدہ عرب امارات کی پہلی بھارتی خاتون فلم ساز ہیں، جن کی مختصر فلمیں ڈش ٹی وی، کیبل، سیٹلائٹ اور بڑے او ٹی ٹی پلیٹ فارمز پر کامیابی سے نشر ہو رہی ہیں۔ یہ شام ان کے لیے صرف ایک اعزاز نہیں بلکہ اُن کی شخصیت کے اُس پہلو کا اعتراف تھی جہاں ایک فلمی خالق خود کتابی متاع کا موضوع بن گئی۔ اسکرین پر کہانیاں تخلیق کرنے والی ہستی اب شاعری میں امر ہوگئی۔
جہاں تک رمیض مخدومی کا تعلق ہے، جنہوں نے دنیا کے قصے برسوں سے قلمبند کیے، یہ لمحہ اُن کی زندگی کا ایک نیا موڑ تھا۔ اُن کے دل کی پہلی کتاب کا انکشاف۔ سن 2009 سے صحافت کے میدان میں سرگرم، رمیض نے اخبارات میں مسلسل قلم آزمائی کی ہے اور 2014 سے وہ ٹی وی کی اسکرین پر ایک نمایاں چہرے کے طور پر انسانی مسائل پر اپنی بصیرت پیش کر رہے ہیں۔ گزشتہ برسوں میں وہ متعدد عظیم الشان تقریبات کی میزبانی بھی کر چکے ہیں، جہاں اُن کی شائستگی اور فصاحت نے سامعین کو مسحور کیا۔
رمیض مخدومی کی پہلی تصنیف کا ہر ورق عقیدت سے مہکتا ہے، ہر مصرع سنیما کی یادوں میں رقص کرتا ہے، اور مل کر وہ اُس ستارے کا قصہ سناتے ہیں جو دبئی سے دنیا تک روشنی پھیلا رہا ہے۔
تالیوں اور جذبات کے سنگم میں یہ تقریب محض ایک ادبی تقریب نہ تھی بلکہ تقدیروں کا حسین ملاپ تھا جہاں کشمیر کے قلم نےOTT کی ملکہ کی وراثت سے ملاقات کی، اور دبئی نے فن، نسائیت اور لازوال کہانیوں کی اس محفل کو تاریخ کا حصہ بنا لیا۔
