جنگ نیوز

سرینگر/جموں و کشمیر میں آئندہ دو تین روز کے دوران وزارتی کونسل میں ردوبدل اور توسیع متوقع ہے۔ وزیرِ اعلیٰ عمر عبداللہ نے ہفتے کے روز اپنی جماعت کے رفقا سے وزارتوں کے حصول کے لئے سفارش و کوشش کا سلسلہ ترک کرنے کی اپیل کرتے ہوئے کہا کہ نیشنل کانفرنس کے صدر ڈاکٹر فاروق عبداللہ سے مشاورت کے بعد وزرا کی فہرست کو حتمی شکل دے دی گئی ہے اور اب اس میں مزید تبدیلی کی گنجائش نہیں ہے۔
صحافیوں سے گفتگو کرتے ہوئے عمر عبداللہ نے کہا، ’’ہم نے وزارتی کونسل میں ردوبدل کے معاملے پر تبادلۂ خیال کیا ہے۔ میں نے لیفٹیننٹ گورنر سے درخواست کی ہے کہ وہ آئندہ ہفتے کے ابتدائی دو تین روز میں ملاقات کے لئے وقت مقرر کریں، تاکہ وزارتی کونسل میں بعض تبدیلیاں اور توسیع کی جاسکے۔‘‘
وزیرِ اعلیٰ نے واضح کیا کہ وزرا کے انتخاب کا عمل مکمل ہوچکا ہے، لہٰذا کسی کو بھی وزارت حاصل کرنے کے لئے ان سے یا ڈاکٹر فاروق عبداللہ سے رجوع کرنے کی ضرورت نہیں۔
انہوں نے کہا، ’’ڈاکٹر فاروق عبداللہ سے مشاورت کے بعد فہرست پہلے ہی تیار کرلی گئی ہے۔ کسی کو بھی فاروق صاحب، میرے یا کسی اور کے دروازے پر دستک دینے کی ضرورت نہیں۔ کون وزیر بنے گا، اس کا فیصلہ پہلے ہی کیا جاچکا ہے۔‘‘
عمر عبداللہ نے بتایا کہ انہیں وزارتوں کے خواہش مند افراد کی جانب سے متعدد واٹس ایپ پیغامات، ٹیلی فونی رابطے اور تفصیلی سوانحی کوائف موصول ہورہے ہیں۔ انہوں نے جماعتی رفقا سے ایسی کوششوں سے باز رہنے کی اپیل کی۔
ان کا کہنا تھا، ’’براہِ کرم مجھے واٹس ایپ پیغامات نہ بھیجیں، ٹیلی فون نہ کریں اور نہ ہی دروازوں پر دستک دیں۔ لوگ مجھے اپنے مکمل سوانحی کوائف بھیج رہے ہیں، گویا میں انہیں جانتا ہی نہیں۔ میں انہیں پہلے سے جانتا ہوں اور فیصلہ بھی ہوچکا ہے۔‘‘
وزیرِ اعلیٰ نے جماعتی رفقا سے صبر و تحمل کا مظاہرہ کرنے کی اپیل کرتے ہوئے کہا کہ وزارتوں کے لئے منتخب ہونے والے افراد کے نام آئندہ دو تین روز میں سامنے آجائیں گے۔
سیاسی حلقوں میں کابینہ کی مجوزہ توسیع کو خاصی اہمیت دی جارہی ہے، کیونکہ اس کے ذریعے وزارتی کونسل میں نئی شمولیت اور بعض قلم دانوں میں ردوبدل متوقع ہے۔ وزیرِ اعلیٰ کے اس بیان سے یہ واضح ہوتا ہے کہ قیادت نے مشاورت کے بعد اپنے فیصلے کو حتمی شکل دے دی ہے اور اب جماعتی رفقا سے توقع کی جارہی ہے کہ وہ ان فیصلوں کا احترام کرتے ہوئے کسی عہدے کے حصول کے لئے ذاتی اثر و رسوخ استعمال کرنے سے گریز کریں۔

جنگ نیوز

سرینگر/جموں و کشمیر میں آئندہ دو تین روز کے دوران وزارتی کونسل میں ردوبدل اور توسیع متوقع ہے۔ وزیرِ اعلیٰ عمر عبداللہ نے ہفتے کے روز اپنی جماعت کے رفقا سے وزارتوں کے حصول کے لئے سفارش و کوشش کا سلسلہ ترک کرنے کی اپیل کرتے ہوئے کہا کہ نیشنل کانفرنس کے صدر ڈاکٹر فاروق عبداللہ سے مشاورت کے بعد وزرا کی فہرست کو حتمی شکل دے دی گئی ہے اور اب اس میں مزید تبدیلی کی گنجائش نہیں ہے۔
صحافیوں سے گفتگو کرتے ہوئے عمر عبداللہ نے کہا، ’’ہم نے وزارتی کونسل میں ردوبدل کے معاملے پر تبادلۂ خیال کیا ہے۔ میں نے لیفٹیننٹ گورنر سے درخواست کی ہے کہ وہ آئندہ ہفتے کے ابتدائی دو تین روز میں ملاقات کے لئے وقت مقرر کریں، تاکہ وزارتی کونسل میں بعض تبدیلیاں اور توسیع کی جاسکے۔‘‘
وزیرِ اعلیٰ نے واضح کیا کہ وزرا کے انتخاب کا عمل مکمل ہوچکا ہے، لہٰذا کسی کو بھی وزارت حاصل کرنے کے لئے ان سے یا ڈاکٹر فاروق عبداللہ سے رجوع کرنے کی ضرورت نہیں۔
انہوں نے کہا، ’’ڈاکٹر فاروق عبداللہ سے مشاورت کے بعد فہرست پہلے ہی تیار کرلی گئی ہے۔ کسی کو بھی فاروق صاحب، میرے یا کسی اور کے دروازے پر دستک دینے کی ضرورت نہیں۔ کون وزیر بنے گا، اس کا فیصلہ پہلے ہی کیا جاچکا ہے۔‘‘
عمر عبداللہ نے بتایا کہ انہیں وزارتوں کے خواہش مند افراد کی جانب سے متعدد واٹس ایپ پیغامات، ٹیلی فونی رابطے اور تفصیلی سوانحی کوائف موصول ہورہے ہیں۔ انہوں نے جماعتی رفقا سے ایسی کوششوں سے باز رہنے کی اپیل کی۔
ان کا کہنا تھا، ’’براہِ کرم مجھے واٹس ایپ پیغامات نہ بھیجیں، ٹیلی فون نہ کریں اور نہ ہی دروازوں پر دستک دیں۔ لوگ مجھے اپنے مکمل سوانحی کوائف بھیج رہے ہیں، گویا میں انہیں جانتا ہی نہیں۔ میں انہیں پہلے سے جانتا ہوں اور فیصلہ بھی ہوچکا ہے۔‘‘
وزیرِ اعلیٰ نے جماعتی رفقا سے صبر و تحمل کا مظاہرہ کرنے کی اپیل کرتے ہوئے کہا کہ وزارتوں کے لئے منتخب ہونے والے افراد کے نام آئندہ دو تین روز میں سامنے آجائیں گے۔
سیاسی حلقوں میں کابینہ کی مجوزہ توسیع کو خاصی اہمیت دی جارہی ہے، کیونکہ اس کے ذریعے وزارتی کونسل میں نئی شمولیت اور بعض قلم دانوں میں ردوبدل متوقع ہے۔ وزیرِ اعلیٰ کے اس بیان سے یہ واضح ہوتا ہے کہ قیادت نے مشاورت کے بعد اپنے فیصلے کو حتمی شکل دے دی ہے اور اب جماعتی رفقا سے توقع کی جارہی ہے کہ وہ ان فیصلوں کا احترام کرتے ہوئے کسی عہدے کے حصول کے لئے ذاتی اثر و رسوخ استعمال کرنے سے گریز کریں۔