سرینگر /08ستمبر
/ جموں و کشمیر کے لیفٹنٹ گورنر منوج سنہا کی غیر موجودگی کے دوران صدر جمہوریہ دروپدی مرمو نے لداخ کے لیفٹنٹ گورنر ونائی کمار سکسینہ کو جموں و کشمیر کے لیفٹنٹ گورنر کے فرائض انجام دینے کے لیے مقرر کیا ہے
صدر جمہوریہ دروپدی مرمو نے لداخ کے لیفٹنٹ گورنر ونائی کمار سکسینہ کو جموں و کشمیر کے لیفٹنٹ گورنر منوج سنہا کی غیر موجودگی کے دوران جموں و کشمیر کے لیفٹیننٹ گورنر کے فرائض انجام دینے کے لیے مقرر کیا ہے۔
صدر جمہوریہ کے سیکرٹریٹ کی جانب سے جاری ایک پریس بیان کے مطابق ونائی کمار سکسینہ، منوج سنہا کی چھٹی کے دوران جموں و کشمیر کے لیفٹنٹ گورنر کے فرائض انجام دیں گے۔ تاہم، اس دوران وہ لداخ کے لیفٹنٹ گورنر کی حیثیت سے اپنی موجودہ ذمہ داریاں بھی بدستور انجام دیتے رہیں گے۔
صدر کے سیکرٹریٹ نے واضح کیا ہے کہ یہ انتظام منوج سنہا کی چھٹی کی مدت تک نافذ العمل رہے گا۔ اس طرح سکسینہ بیک وقت لداخ کے لیفٹنٹ گورنر کی اپنی موجودہ ذمہ داریوں کے ساتھ جموں و کشمیر کے لیفٹنٹ گورنر کے فرائض بھی سنبھالیں گے۔
