جنگ نیوز ڈیسک
جموں/اندرا گاندھی نیشنل سینٹر فار دی آرٹس (آIGNCA) کے علاقائی مرکز جموں میں 80واں یومِ آزادی حب الوطنی کے جذبے اور ثقافتی جوش و خروش کے ساتھ منایا گیا۔
تقریب کی قیادت مرکز کی ڈائریکٹر شروتی اوستھی نے کی، جنہوں نے قومی پرچم لہرایا۔ اس موقع پر مرکز کے افسران، اہلکاروں اور دیگر شرکا نے قومی جذبے کے ساتھ یومِ آزادی کی تقریبات میں شرکت کی۔
تقریب کے دوران ملک کی آزادی کے لئے دی گئی عظیم قربانیوں کو یاد کیا گیا اور قومی اتحاد، ثقافتی ورثے کے تحفظ اور ملک کی ترقی میں اجتماعی کردار کی اہمیت اجاگر کی گئی۔
شرکا نے یومِ آزادی کے موقع پر حب الوطنی، قومی یکجہتی اور ملک کی تعمیر و ترقی کے لئے اپنے عزم کا اعادہ کیا۔
