جنگ نیوز ڈیسک
SKUAST-K نے کشمیر کی روایتی پشمینہ صنعت کو فروغ دینے اور اعلیٰ معیار کی ہاتھ سے تیار پشمینہ نٹ ویئر مصنوعات تیار کرنے کے مقصد سے نقش رائل آرٹس کے ساتھ مفاہمتی معاہدے (ایم او اے) پر دستخط کیے ہیں۔
یہ معاہدہ یونیورسٹی کے ڈویژن آف لائیو اسٹاک پروڈکٹس ٹیکنالوجی کے ذریعے عمل میں آیا، جس کے تحت سائنسی تحقیق اور روایتی دستکاری کو یکجا کر کے معیاری، پائیدار اور عالمی منڈی کے تقاضوں سے ہم آہنگ پشمینہ مصنوعات تیار کی جائیں گی۔
اس موقع پر وائس چانسلر پروفیسر نذیر احمد گنائی نے کہا کہ یہ اشتراک کشمیر کی دستکاری کو عالمی منڈی تک پہنچانے اور پشمینہ شعبے میں نئی معاشی مواقع پیدا کرنے میں اہم کردار ادا کرے گا۔ انہوں نے بتایا کہ تحقیق پر مبنی یہ اقدام پشمینہ صنعت کی پائیدار ترقی اور عالمی شناخت کو مزید مضبوط بنائے گا۔
