جنگ نیوز ڈیسک
بارہمولہ/ ڈائریکٹوریٹ آف یوتھ سروسز اینڈ اسپورٹس، جموں و کشمیر کے زیرِ اہتمام اور DYSS بارہمولہ کی میزبانی میں سینٹ جوزف اسکول، بارہمولہ میں انڈر۔17 بین الاضلاعی صوبائی سطحی سبروتو کپ فٹبال ٹورنامنٹ 2026 کا آغاز ہوگیا۔
ٹورنامنٹ کا افتتاح DYSSO بارہمولہ مشتاق احمد پمپوری نے کیا۔ اس موقع پر مبین احمد خان (PEM)، شبیر احمد ٹھوکر (PEM) اور شوکت احمد وازہ (PEM) سمیت محکمہ کے افسران، کوچز اور کھلاڑی موجود تھے۔
پہلے روز بانڈی پورہ نے اننت ناگ کو 4-0، بارہمولہ نے شوپیان کو 8-0 اور سرینگر نے کُلگام کو 9-0 سے شکست دی، جبکہ گاندربل اور بڈگام کا مقابلہ برابر رہا۔ بعد ازاں سرینگر نے اننت ناگ کو 4-2 سے ہرایا، جبکہ بارہمولہ اور بڈگام کے درمیان میچ بھی برابر ختم ہوا۔
ٹورنامنٹ میں آٹھ اضلاع کی ٹیمیں صوبائی خطاب اور سبروتو کپ 2026 کے اگلے مرحلے میں رسائی کے لیے مدمقابل ہیں
