جنگ نیوز ڈیسک
پاکستان کے صوبہ خیبر پختونخوا کے ضلع ٹانک میں عسکریت پسندوں نے ایک سکیورٹی چوکی پر بارود سے بھری گاڑی کے ذریعے حملہ کر دیا، جس کے نتیجے میں 15 افراد ہلاک ہو گئے۔
فوج کے مطابق ہلاک ہونے والوں میں 12 فوجی، دو پولیس اہلکار اور محکمہ جنگلات کا ایک سرکاری افسر شامل ہیں۔ حملہ آوروں نے دھماکا خیز مواد سے لدی گاڑی چوکی کی بیرونی دیوار سے ٹکرا دی، جس سے چوکی کو شدید نقصان پہنچا۔
فوج نے بتایا کہ جوابی کارروائی میں 12 عسکریت پسند بھی مارے گئے۔
پاکستان نے حالیہ حملوں کا الزام افغانستان میں موجود عسکریت پسند گروہوں پر عائد کیا ہے، تاہم کابل کی طالبان حکومت نے ان الزامات کی تردید کی ہے۔
