جموں و سرینگر قومی شاہراہ پر جمعہ کے روز بھی آمدوورفت معطل رہی، کیونکہ متعدد حساس مقامات پر مسلسل لینڈسلائیڈنگ (پہاڑی تودے گرنے) اور چٹانوں سے پتھر گرنے (شوٹنگ اسٹونز) کی وجہ سے کشمیر کو ملک کے دیگر حصوں سے جوڑنے والی یہ اہم سڑک بلاک رہی۔
ٹریفک حکام کا کہنا ہے کہ رام بن کے ‘ترشول موڑ’ سمیت متاثرہ حصوں پر شاہراہ کی بحالی کا کام جاری ہے، تاہم مسلسل خراب موسم اور اوپر سے گرنے والے ملبے کی وجہ سے گاڑیوں کی محفوظ آمدوورفت ممکن نہیں ہو پا رہی۔
حکام نے مسافروں اور ٹرانسپورٹرز کو ہدایت کی ہے کہ جب تک نیا ٹریفک ایڈوائزری جاری نہیں ہوتا، تب تک شاہراہ پر سفر کرنے سے گریز کریں، کیونکہ سڑک کی حالت فی الحال غیر محفوظ ہے۔
