جنگ نیوز ڈیسک
بڈگام، 22 جولائی: KTMF کے صدر محمد یاسین خان کی قیادت میں ایک وفد نے بیروہ میں سیلاب سے متاثرہ تاجروں سے ملاقات کرکے ان کے نقصانات کا جائزہ لیا اور حکومت سے فوری امداد، مناسب معاوضے اور جامع بحالی پیکیج فراہم کرنے کا مطالبہ کیا۔
وفد نے متاثرہ بازار کا معائنہ کیا، جہاں متعدد دکانیں تباہ ہوئیں اور ایک شاپنگ کمپلیکس سیلابی ریلے میں بہہ گیا۔ وفد نے متاثرہ تاجروں کو ہر ممکن تعاون کی یقین دہانی کرائی۔
محمد یاسین خان نے کہا کہ KTMF متاثرہ تاجروں کے حقوق کے لئے حکومت سے مؤثر انداز میں رجوع کرے گی۔ انہوں نے سیلاب کے دوران تاجروں کو محفوظ مقامات تک پہنچانے پر مقامی پولیس کی بروقت کارروائیوں کو بھی سراہا۔
وفد میں قاضی توصیف، محمد مظفر، عبدالاحد پرے، میر الفت، اعجاز عبداللہ، منظور احمد ڈار، بلال احمد ڈار اور دیگر نمائندے شامل تھے۔
