پیرس:
خبر رساں ایجنسی اے ایف پی کے تجزیے کے مطابق، جون کی ہیٹ ویو کے دوران نو یورپی ممالک میں کم از کم 12,000 اضافی اموات ریکارڈ کی گئیں، قومی اعداد و شمار سے پتہ چلتا ہے کہ یہ تعداد مزید اعداد و شمار جاری ہونے کے بعد بڑھ سکتی ہے۔
اس عرصے کے دوران کئی یورپی ممالک کے ساتھ ساتھ برطانیہ اور سوئٹزرلینڈ میں جون کے مہینے میں درجہ حرارت کے ہمہ وقتی ریکارڈ ٹوٹ گئے۔ یہ اموات اس ریکارڈ توڑ گرمی کی انسانی قیمت کا ابتدائی اشارہ ہیں، جو تیزی سے عام ہوتی جا رہی ہیں۔
اے ایف پی نے بیلجیئم، فرانس، جرمنی، لکسمبرگ، نیدرلینڈز، اسپین اور سوئٹزرلینڈ سے 22 اور 28 جون کے درمیان اضافی اموات کے اعداد و شمار کا تجزیہ کیا۔
اس عرصے کے دوران کئی ممالک میں ہیٹ ویو کی شدت سے تقریباً 10 ہزار سے زائد اموات ریکارڈ کی گئیں۔
برطانیہ کے محکمہ موسمیات کے جاری کردہ تخمینوں کے مطابق، 18 اور 28 جون کے درمیان انگلینڈ اور ویلز میں ہیٹ ویو سے مزید 2,200 اموات ہوئیں۔
یورپین مورالٹی مانیٹرنگ (یورومومو) کے عارضی اعداد و شمار میں بھی جون کے آخری ہفتے میں اضافی اموات میں نمایاں اضافہ ریکارڈ کیا گیا: اس نے یہ تعداد 14,260 بتائی ہے۔ اس ہفتے کے لیے ان کے اعداد و شمار 24 ممالک کے سرکاری اعدادوشمار پر مبنی ہیں، جن میں تقریباً 400 ملین باشندے ہیں۔یورومومو کے اعداد و شمار میں مشرقی یورپ کے حصے شامل نہیں ہیں۔
