جنگ نیوز ڈیسک
گاندربل/ڈائریکٹوریٹ آف یوتھ سروسز اینڈ اسپورٹس (DYSS) نے گورنمنٹ کالج آف فزیکل ایجوکیشن (GCOPE) گاندربل میں جموں و کشمیر کے پہلے AIFF سرٹیفائیڈ فٹبال ریفری کورس کا آغاز کیا۔
چار روزہ تربیتی پروگرام کا افتتاح ڈائریکٹر جنرل یوتھ سروسز اینڈ اسپورٹس انورادھا گپتا نے آن لائن کیا۔ کورس میں جموں و کشمیر کے تمام 20 اضلاع سے منتخب 40 فزیکل ایجوکیشن اساتذہ اور اسپورٹس افسران شرکت کر رہے ہیں۔
AIFF کے تعاون سے منعقدہ اس کورس میں شرکاء کو فٹبال قوانین، جدید ریفری نظام، میچ مینجمنٹ، فٹنس اور عملی تربیت فراہم کی جا رہی ہے۔ انورادھا گپتا نے کہا کہ اس اقدام کا مقصد جموں و کشمیر میں قومی معیار کے ریفریز تیار کرنا اور مقامی فٹبال کے معیار کو مزید بہتر بنانا ہے۔
افتتاحی تقریب میں جوائنٹ ڈائریکٹر کشمیر محمد راشد کوہلی، پرنسپل GCOPE ڈاکٹر شوکت حسین اور دیگر محکمہ جاتی افسران بھی موجو
د تھے۔
