جنگ نیوز
مشہد/عالم اسلام کے عظیم دینی و انقلابی رہنما، مرحوم آیت اللہ علی خامنہ ای کو جمعرات کے روز اُن کے آبائی شہر مشہد میں کروڑوںاشکبار سوگواروں، سوز و گداز سے لبریز دعاؤں اور رقت آمیز مناظر کے درمیان سپردِلحد کر دیا گیا۔ اس کے ساتھ ہی ایران اور عراق میں جاری چھ روزہ سوگ، تعزیتی اجتماعات اور آخری رسومات بھی اپنے اختتام کو پہنچ گئیں۔
مرحوم کے جسدِ خاکی کو لے جانے والے طیارے کے گرد سخت حفاظتی انتظامات کیے گئے تھے، اور اس کی فضائی نگرانی کے لئے کم از کم ایک جنگی طیارہ بھی ہمراہ پرواز کرتا رہا، تاکہ اس تاریخی اور انتہائی حساس سفر کو ہر ممکن تحفظ فراہم کیا جا سکے۔
تدفین سے قبل آیت اللہ علی خامنہ ای کے تابوت کے ساتھ اُن کے خاندان کے اُن شہداء کے تابوت بھی رکھے گئے جو 28 فروری کو ہونے والے امریکی فضائی حملوں میں جان کی بازی ہار گئے تھے۔ یہ منظر حاضرین کے لئے انتہائی دردناک اور دل سوز ثابت ہوا، جہاں ہر آنکھ اشکبار اور ہر دل غم سے بوجھل دکھائی دیا۔
