جنگ نیوز
نئی دہلی/آسام کے جورہاٹ میں بھارتی فضائیہ کا AN-32 ٹرانسپورٹ طیارہ لینڈنگ کے دوران حادثے کا شکار ہو گیا، جس کے نتیجے میں فضائیہ کے پانچ اہلکار ہلاک جبکہ معاون پائلٹ محفوظ رہا۔
رپورٹ کے مطابق حادثے میں اسکواڈرن لیڈر پرشانت سنگھ، فلائٹ لیفٹیننٹ شبھم شرما اور تین دیگر اہلکار جان بحق ہوئے۔ بھارتی فضائیہ نے حادثے پر گہرے رنج و غم کا اظہار کرتے ہوئے متاثرہ خاندانوں سے تعزیت کی ہے۔
وزیر دفاع راج ناتھ سنگھ نے بھی حادثے پر افسوس کا اظہار کیا ہے۔ فضائیہ نے واقعے کی وجوہات جاننے کے لئے کورٹ آف انکوائری کے احکامات جاری کر دیے ہیں۔
حادثہ اس وقت پیش آیا جب طیارہ معمول کی پرواز کے بعد جورہاٹ میں لینڈنگ کی کوشش کر رہا تھا۔
