جنگ نیوز ڈیسک
شوپیان/شوپیان کے درنگنار گاؤں کے رہائشی وسیم احمد بخشی بھارتی پیرا کرکٹ ٹیم کے لیے منتخب ہو گئے ہیں۔
وسیم نے منی سیکریٹریٹ میں ڈپٹی کمشنر شوپیان ششی گپتا سے ملاقات کی، جنہوں نے انہیں اس کامیابی پر مبارکباد دیتے ہوئے نیک خواہشات کا اظہار کیا۔
وسیم 2021 سے قومی سطح پر جموں و کشمیر کی نمائندگی کر رہے ہیں۔ وہ آئندہ بین الاقوامی مقابلوں میں بھارت کی نمائندگی کریں گے۔
کرکٹ کے علاوہ وسیم پیرا ایتھلیٹکس میں بھی نمایاں کارکردگی کا مظاہرہ کر چکے ہیں اور مختلف قومی مقابلوں میں کئی تمغے اپنے نام کر چکے ہیں۔ ان کی کامیابی نوجوانوں، خصوصاً معذور افراد، کے لیے ایک متاثر کن مثال سمجھی جا رہی ہے۔
