جنگ نیوز ڈیسک
سرینگر/ /نیشنل کانفرنس کے چیف ترجمان اور ایم ایل اے زڈی بل تنویر صادق نے سرینگر میں جاری نیشنل گیٹ بال ٹورنامنٹ 2026 کا دورہ کیا اور اڈیشہ، جھارکھنڈ، چھتیس گڑھ، ہریانہ اور پنجاب سمیت مختلف ریاستوں سے آئے کھلاڑیوں سے ملاقات کی۔
اس موقع پر انہوں نے کہا کہ ایسے قومی کھیل مقابلے نوجوانوں میں قومی یکجہتی، باہمی بھائی چارے اور صحت مند مسابقت کو فروغ دیتے ہیں۔ انہوں نے کھلاڑیوں کے جوش و جذبے اور کھیل کے جذبے کی سراہنا کرتے ہوئے ٹورنامنٹ کی کامیابی کے لیے نیک خواہشات کا اظہار کیا۔
تنویر صادق نے سرینگر میں قومی سطح کے اس ایونٹ کے کامیاب انعقاد پر منتظمین کو مبارکباد دی اور کہا کہ ایسے مقابلے جموں و کشمیر میں کھیلوں کے فروغ اور نوجوانوں کے لیے نئے مواقع پیدا کرنے میں اہم کردار ادا کرتے ہیں۔
