جنگ نیوز
اونتی پورہ/ PDP صدر محبوبہ مفتی نے AIIMS اونتی پورہ کا دورہ کرتے ہوئے اسے اپنے مرحوم والد مفتی محمد سعید کا خواب قرار دیا اور کہا کہ یہ ادارہ پورے جموں و کشمیر کے لئے ایک مثالی طبی مرکز ثابت ہوگا۔
محبوبہ مفتی نے کہا کہ اگرچہ منصوبے میں تاخیر ہوئی، تاہم اب تعمیراتی کام اطمینان بخش رفتار سے جاری ہے اور ضرورت پڑنے پر وہ مرکزی وزیر صحت سے بھی معاملہ اٹھائیں گی۔
دریں اثنا، وزیر صحت سکینہ ایتو نے محبوبہ کا نام لئے بغیر سخت ردعمل ظاہر کرتے ہوئے کہا کہ بعض سیاسی رہنما ’’سیاسی یادداشت کھو بیٹھے ہیں‘‘ اور اب بھی خود کو اقتدار میں سمجھتے ہیں، حالانکہ عوام انہیں 2018 کے بعد مسترد کر چکے ہیں۔ AIIMS منصوبہ موجودہ حکومت اور وزیر اعلیٰ عمر عبداللہ کی مسلسل نگرانی اور کوششوں سے تکمیل کی جانب بڑھ رہا ہے، جبکہ ماضی میں اسی منصوبے کی رفتار سست رہنے کی ذمہ داری وہی لوگ اٹھاتے ہیں جو آج اس کا کریڈٹ لینے کی کوشش کر رہے ہیں۔
