جنگ نیوز
سری نگر/جے اینڈ کے بینک نے فِنیکل انوویشن ایوارڈز 2026 میں "ڈیٹا اِنسائٹس اینڈ اینالیٹکس پلیٹ فارم” کے زمرے میں گولڈ ایوارڈ حاصل کیا ہے، جو بینک کے ڈیجیٹل تبدیلی کے سفر میں ایک اہم سنگ میل قرار دیا جا رہا ہے۔
یہ اعزاز ممبئی میں منعقدہ تقریب میں بینک کے منیجنگ ڈائریکٹر و چیف ایگزیکٹو آفیسر امیتاو چٹرجی اور جنرل منیجر محمد مظفر وانی نے وصول کیا۔ ایوارڈز میں ملک بھر کے مالیاتی اداروں کی تقریباً 500 نامزدگیاں شامل تھیں۔
بینک کو یہ اعزاز اپنے جدید کلاؤڈ بیسڈ ڈیٹا اینالیٹکس پلیٹ فارم کے لئے دیا گیا، جو مصنوعی ذہانت اور مشین لرننگ کی مدد سے کاروباری کارکردگی، صارفین کی خدمات، خطرات کے انتظام اور فیصلہ سازی کو بہتر بناتا ہے۔
اس موقع پر امیتاو چٹرجی نے کہا کہ بینک نے ڈیٹا کو مؤثر فیصلوں میں تبدیل کرنے کی صلاحیت پیدا کی ہے، جس سے صارفین کو زیادہ تیز، مؤثر اور ذاتی نوعیت کی خدمات فراہم کی جا رہی ہیں۔
قابلِ ذکر بات یہ ہے کہ یہ اعزاز بینک کی ریکارڈ مالی کارکردگی اور مالی سال 2025-26 کے بلند ترین سالانہ منافع کے فوراً بعد حاصل ہوا ہے، جو ٹیکنالوجی اور جدت طرازی میں سرمایہ کاری کے مثبت نتائج کی عکاسی کرتا ہے۔
