جنگ نیوز
بھارتی ریلوے نے مئی 2026 کے دوران 145 ملین ٹن مال برداری درج کرتے ہوئے گزشتہ سال کے مقابلے میں3.1 فیصد اضافہ ریکارڈ کیا ہے۔ یہ اضافہ آئرن اور، اسٹیل، کھاد اور دیگر اشیا کی نقل و حمل میں بہتری کے باعث ممکن ہوا۔
ریلوے حکام کے مطابق مغربی ایشیا کی صورتحال اور عالمی سپلائی چین کے چیلنجز کے باوجود ضروری اشیا کی بلاتعطل ترسیل کو یقینی بنایا گیا۔ آئرن اور کی مال برداری میں8.4 فیصد، اسٹیل میں5.3 فیصد اور کھاد کی نقل و حمل میں2.6فیصد اضافہ ریکارڈ کیا گیا۔
کوئلہ بدستور ریلوے مال برداری کا سب سے بڑا حصہ رہا، جس کی ترسیل میں تقریباً ایک فیصد اضافہ ہوا۔ بجلی گھروں کی ضروریات پوری کرنے کے لئے کوئلے کی نقل و حمل کو ترجیح دی گئی۔
مسافروں کے شعبے میں بھی نمایاں اضافہ دیکھنے میں آیا، جہاں مئی 2026 کے دوران 61 کروڑ سے زائد افراد نے ریل سفر کیا، جبکہ گزشتہ سال اسی مدت میں یہ تعداد تقریباً 59 کروڑ تھی۔ نان سب اربن مسافروں کی تعداد میں 7.4 فیصد اضافہ ریکارڈ کیا گیا۔
گرمیوں کے دوران بڑھتی ہوئی طلب کو پورا کرنے کے لئے ریلوے نے متعدد سمر اسپیشل ٹرینیں چلائیں۔ اس وقت ملک بھر میں 164 وندے بھارت ٹرینیں اور 68 امرت بھارت سروسز چل رہی ہیں، جن میں مئی کے دوران تین نئی امرت بھارت ٹرینیں بھی شامل کی گئی ہیں۔
