جنگ نیوز ڈیسک
وزیر عظم نریندر مودی نے نئی دہلی میں جاری BRICS وزرائے خارجہ اجلاس کے موقع پر مختلف ممالک کے وزرائے خارجہ سے ملاقات کی۔ ملاقات کرنے والوں میں روس کے وزیرِ خارجہ سرگئی لاوروف، ایران کے وزیرِ خارجہ عباس عراقچی، جنوبی افریقہ کے وزیرِ خارجہ رونالڈ لامولا اور برازیل کے وزیرِ خارجہ ماؤرو وییرا شامل تھے۔
اس سے قبل وزیرِ خارجہ ڈاکٹر ایس جے شنکر نے افتتاحی خطاب میں کہا کہ عالمی امن و سلامتی موجودہ عالمی نظام کا اہم ستون ہیں اور حالیہ تنازعات نے مکالمے اور سفارت کاری کی اہمیت مزید بڑھا دی ہے۔
انہوں نے کہا کہ BRICS ممالک کو دہشت گردی، معاشی غیر یقینی صورتحال، تجارت، ٹیکنالوجی، موسمیاتی تبدیلی اور توانائی و خوراک کے تحفظ جیسے چیلنجز سے نمٹنے کے لئے تعمیری کردار ادا کرنا ہوگا۔
اجلاس کا موضوع “لچک، اختراع، تعاون اور پائیداری کی تعمیر” رکھا گیا ہے، جو وزیرِ اعظم مودی کے “ہیومینٹی فرسٹ” وژن سے متاثر ہے۔
