جنگ نیوز ڈیسک
اقوامِ متحدہ کی جنرل اسمبلی (UNGA) کی صدر، اینالینا بیئربوک آئندہ ہفتے بھارت اور چین کا دورہ کریں گی، جو دونوں حکومتوں کی دعوت پر ہوگا۔ یہ بات ان کی ترجمان لا نیس کولنز نے جمعرات کو بتائی۔
نئی دہلی میں بیئربوک بھارتی حکام کے ساتھ دو طرفہ ملاقاتیں کریں گی اور اسٹیفن پریسنر کی قیادت میں اقوامِ متحدہ کی ملکی ٹیم سے بھی ملاقات کریں گی۔
اس کے بعد وہ بیجنگ جائیں گی جہاں وہ اسی نوعیت کی مصروفیات انجام دیں گی، جن میں اسٹیفن جیکسن کی سربراہی میں اقوامِ متحدہ کی ٹیم سے گفتگو بھی شامل ہے۔
یہ ان کا بطور صدر جنرل اسمبلی بھارت کا پہلا دورہ ہوگا، اس سے قبل وہ جرمنی کی وزیر خارجہ کی حیثیت سے بھارت آ چکی ہیں۔
